خواطر أمانى : الانسحاب أحيانا ينقذ الموقف
أمانى وهيب
عجبا ايها الليل..يقولون عنك هادئ..وفيك تصرخ القلوب
وما أكثرها اوقات تمر ببطء. خاليه من دفء المشاعر ..وغياب المحبوب
وهناك من يعاني صرخه الم..فمرضه يجعل لسان حاله هذا مقدر ومكتوب
اصعب ما ف الليل اعاده ذكريات كشريط سينمائي مع فقيد وغالي .يعرض يوميا يدمي القلب المكروب
وهناك من يتذكر حاله قديما..كيف كان.. وكم قدم حب ل اشخاص كلهم عيوب
اه يا ليل
تسمع همهمات..العشق.بالحق. وب المسلوب
وذلك طفل يمشي فى الطرقات وحيداا يبحث عن طعام ف النفايات مقلوب
وتلك المراه عاليه الضحكات ك غانيه تخبئ دموع قلبها ..اه. ليت الله ينقذني واتوب…
اه يا ليل
هناك مئات الأشخاص تتستر داخل العتمه لكي لا يري أحد دموعه ويظهر ضعيف مغلوب
لكن اري بين طياتك..من يحكمك ويبدل أحوال القلوب
هو الله
جل شأنه ..ف حتما سوف يجيء بالنور
ويشرق بشمسه ليبدد الظلمه مهما كانت فأنت عبده وابنه المحبوب
………..
صح هو ايموشن..لكن بيعبر عن حالتى ب وش حزين مطفي
قلب مكسور وعيون حزينه بدموع وايد بتشاور كده خلاص يكفى.
اصل الصراحه مش لاقى كلام.. لكن ده كل وصفى
قلبى اتكسر وموجوع من اللى فاكرهم فى صفى
حتى غصب عنى الحزن ملا عيونى..ودموعى ما تكفى
ولاقيت من غير كلام بصرخ وحطيت قدامهم كَفي
يارب ساعدنى ..وابعد عنى اي حزن ..وتجبر خاطر قلبى المكسور..وتاخد بايدى فأنت رحيم وكثير العطفِ
الانسحاب احيانا ينقذ الموقف
مقوله بجد فى محلها
🌹
اوقات..لازم بسرعه تتصرف
وتسيب مجال للوقت يحلها
🌹
مش معنى الانسحاب موقفك يضعف
لكن دى الحكمه ..وانت عارف وقتها
عارف
لو لاقيت الشر مرصوص حواليك زى النار
ارجع ل ورا ح تلاقى أنقذت نفسك ف الحال
لما تنسحب ح يخلص اى كلام أو حوار
وبكده مش ح يزيد النار اشتعال
لما تبعد بحكمه ح تتخفف الأخطار
ويعدى الموقف بسلام .ويكون كل شئ عال العال
لكن…لو وقفت في الصف ح يطولك الشرار
ويصيبك ما يسر الخاطر ولا البال
الحكمه يا ابنى ..
انك تنسحب وقت الأخطار
وتدعى ربك أنه يهدى مع الجميع الحال
امانى وهيب
