بعد دموع عبير صبري.. خمس نجمات يتحدثن عن أزمتهن مع الطلاق
تتناول هذه السطور تجارب عدد من نجمات الفن مع الانفصال وكيف غيّرت هذه التجارب نظرتهن للحياة والعلاقات، مناقلةً كواليس صادمة ومواقف مؤثرة واجهتهن في فترات الانفصال وتبعاتها العاطفية والمهنية.
تجارب نجمات الفن مع الانفصال: كواليس وتبعات صادمة
انفصال عبير صبري عن أيمن البياع
كشفت الفنانة عبير صبري كواليس انفصالها عن زوجها السابق المحامي أيمن البياع، بعد زواج استمر 7 سنوات، خلال ظهورها في برنامج “مننا فينا”. قالت: “أنا أعلنت انفصالي بعد 6 شهور من وقوع الطلاق، لأني مكنتش جاهزة صحيا أو نفسيا اتعامل مع الواقع، كنت تعبانة جدا مبنمش خالص، كنت ببص في المراية واقولي انتي مين؟، مكنش عندي قدرة اطبطب على نفسي”.
انفصال هنا الزاهد عن أحمد فهمي
هنا الزاهد أعلنت بشكل رسمي نبأ انفصالها عن زوجها الفنان أحمد فهمي بعد زواج استمر 4 سنوات، دون إعلان أي أسباب. وفي لقائها ببرنامج “صاحبة السعادة”، قالت: “عمري مكنت اتخيل إن نهاية الزواج طلاق بالنسبالي أمر بتجربة كبيرة وربنا عارف إني ماقدرش اتحملها جبهالي بتمهيد في 8 شهور عشان اتمهد إنه هيحصل طلاق أنه لو حصل مرة واحدة كنت هتعب أوي لأني حساسة أوي، لما حصل الانفصال قولت عادي ماهو حصلي واتعلمت منها كتير ولو رجع بيا الزمن مش هقول لا مدخلتش التجربة لأني مش هتعلم غير لما يتقرص وداني”.”
ياسمين عبدالعزيز وأحمد العوضي
قالت ياسمين عبدالعزيز عن انفصالها من أحمد العوضي في لقاء مع “صاحبة السعادة”: “أنا مش بحب أحمد أنا بعشقه، لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأنه الحب الحقيقي أحمد”. وأضافت: “أنا عن نفسي عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير”.
ريم البارودي وانفصالها عن أحمد سعد
كشفت الفنانة ريم البارودي عبر خاصية “ستوري” على حسابها عبر إنستجرام تفاصيل انفصالها من المطرب أحمد سعد، وكتبت: “سمعت إني اتجوزت 6 أيام.. لا أنا اتجوزت رسمي على الورق دقيقة أمام الله بعد سنين طويلة ها.. مش مهم بس المهم كفاية هبل وقلة أدب واللي مش هسمح بيه إني يا حرام أننا اتعملنا عمل من إحدى زوجاته عشان نطلق بعد 6 أيام.. اللي كانوا على علاقة ساعتها”. وختتمت: “ملحوظة بعد 14 سنة محاولات لإصلاح بني آدم اتجوزت 21 يوما.. العمل عمل الله”.
منة فضالي وزوجها السري
كشفت الفنانة منة فضالي تفاصيل جديدة في حياتها وزواجها السري، فقالت في برنامج “شو القصة”: “اتجوزت مرة وكانت بالسر عن والدتي ومحبتوش هي حصلت بالصدفة مش هقدر أحكي تفاصيل بس الرسالة اللي أقولها من التجربة أن متخليش حد يستغل أنك صغيرة ومعندكيش خبرة.. متثقيش في أي حد يقولك كلام حلو”. وعن تعرضها للخيانة والنصب في حياتها، أضافت: “صعب تلاقي رجل وفي، واتخنت، وضاع من عمري سنين، أنا يمكن كنت مغفلة وراح البيت واتنصب عليا، ولكن مكنش ينفع اني أتهان وأعنف وأسكت كدة”.
غادة عادل وانفصالها عن مجدي الهواري
قالت الفنانة غادة عادل إنها رفضت الإعلان عن خبر انفصالها عن المخرج مجدي الهواري، احترامًا لرغبة زوجها والد أولادها الذي طلب تأجيل الإعلان. وأضافت في لقاء سابق أنها عاشت فترة من الاضطراب بعد الانفصال، متابعة: “بعد الانفصال مكنتش متظبطة، وكانت اختياراتي غلط حتى في الشغل، وكنت بشتغل علشان الفلوس وأصرف على العيال”.
اقرأ أيضا:
