أمانى وهيب وصباح الضحكة الحلوة دعوة للتفاؤل

وصباح الضحكه الحلوه

بجد جميله كانك بتسمع غنوه
🤍🤍🤍
هى, صوره بس مجرد ما تشوفها تبتسم

تلاقي نفسك مبسوط والملامح بالفرحة تترسم.
,🤍🤍🤍
حلوه ضحكه الاطفال..ياريت نكون زيهم

لا نشيل هم ولا نحزن وكمان نعيش فرحهم
🤍🤍🤍
ادينا يارب براءه الاطفال

ادينا الحب والفرح والاتكال

امين ..تسمع مننا ويهدى معانا الحال

رمينا كل همومنا عليك وعلى الله الاتكال

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صوره باب قديم من غير قفل ع الباب

لكن بدل القفل ورده البيضاء هى اللى مزيناه مهما كان منظره قديم كله اكتئاب

صوره ليها معنى وبين الواح الخشب تلاقى كلام بتكتب ف كتاب
🌹🌹🌹
دى حالتك.. انت نفسك جواك كلام وقافل عليه

كل اسرار حياتك عامل ليها حاجز..وبتداريه

لكن برضو سايبه من غير قفل..والامل مش عاوز تفرط فيه

حتى لو تتخيل أن قفل الباب ورده بالحب تراعيه

ممكن تتخيله باب قلب والورده هو المحب اللى تصونه وتراعيه

وممكن كمان تتخليه..انك قافل على نفسك من شر العالم..لكن عملك الورده ريحته فيه

اقولك يا صاحبى

مهما كان نوع بابك…قديم وللا جديد المهم جوه الباب موجود ايه
🌹🌹🌹
موجود حب وصلاه وعباده

وللا موجود…شوق وعاطفه بزياده

وللا موجود…فرح وخير وسعاده

كل ده يخلى الورده مفتحه يا صاحبي ويا حضرات الساده

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وتبقى لبعض الاماكن ذكريات لاتنسي ابدأ

تهمس فى اذنى بهدوء قائله لقد كنا هنا يومأ

اتذكر كل مكان فيه ارجلنا تخطتها معآ ضحكأ

تسألنى اين هم الاحباب كنت اسمع منهم همس يحمل نبرات حبأ وعطفأ

لقد خلت الاماكن من وجود قلوب تبادلت ودأ و عشقأ

ليس سوى هواء بارد تسمع له فقط صدى صوتأ

تشعر ببروده المكان تتلمس منه ولو دفئأ

عجبى على زمن غادر !!يبحث عن أناس يذوب فيها الحنين شوقأ

ذلك الزمن الذى حوى أحبابنا واغلق عليهم قبرأ

وهناك مَن رحلوا عنا دون سبب وبدون عذرا

انا لست بمتشأئم ..لكن تلك الأماكن ذكرتنى بأيام عشت فيها فرحا

اهٍ..
سأظل اجلس وانتظر علِ اراكم ولو مجرد ظلا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حياه الانسان ساعات بتمشي من غير إرادته

بيتحط ف اماكن تبان منظرها حلو لكن صعب يشعر بحلاوته

زى شجره مزروعه على شط بحر والميه المالحه متخلهاش تخضر لأنها مش بيئته

اصل هى دى متاعب الحياه..بتحطنا ف اماكن ..لكن ده اللى بيحصل ودى حقيقته

وكمان غروب الشمس منظر من بعيد روعه ف طبيعته

لكنها برضو بتدل على بدايه الرحيل والإنسان بيخلص عمره ووقته

يارب
خلينا نكون فى مكان مايته حلوه. تخضر أوراقها وتشرق الشمس ونتمتع بالنور ونقاوته