منوعات
محمد مرزبان: ماذا قال عن هوايته قبل وفاته في حادث دراجة نارية؟ – فيديو
في هذه اللمحة نعيد تسليط الضوء على مسيرة الفنان الراحل محمد مرزبان وهوايته التي ارتبط بها لسنوات طويلة، وكيف شكّلت جزءاً من حياته الفنية والشخصية.
كواليس بدايته مع هوايته بالدراجات النارية
- علاقتي بالموتوسيكلات بدأت من زمان، ودي حقيقة، أنا بركب من زمان فعلًا، لكن امتلاك موتوسيكل مكانش متاح زمان بسبب خوف الأهل.
- كانوا دايما يقولولي لا، هتركب موتوسيكل ليه؟ إحنا مش مستغنين عنك، لأن كان بيحصل حوادث كتير وناس فقدت أعز ما عندها بسبب التهور، فكان الأهل دايما يخافوا علينا من الحتة دي فأنا كنت بركب وأنا صغير طبعا كلنا كنا بناجر الفطوطة والحاجات دي كلها.
- ابتديت أركب من سنة 1980 تقريبا، ووقتها كنت عايش بره في إنجلترا، فكان الموضوع منتشر جدا هناك، لكن رغم كده ما امتلكتش موتوسيكل لما رجعت مصر، بعدين ابتدينا نشوف جروبات كتير على الطريق، فبدأت تتساءل إيه ده؟ مين الناس دي عصابات ولا ناس عاديين زينا، لكن الحقيقة إنهم ناس محترمين، الموتوسيكل علمني ووراني حاجات أنا ما كنتش أعرفها، وما كنتش بشوفها.
- واحد صاحبي قدي في السن، لكنه كان مجنون موتوسيكلات ومجنون جري، فضلت وراه لحد ما بطل يركب، وكنت دايمًا أقوله خاف على نفسك، أنت ليك أب وأم وأولاد، وليك أحفاد، وحرام تضيع نفسك، وفي النهاية، على فكرة، القدر قدر، يعني ممكن حتى لو ماشي على رجليك يحصلك حاجة، لكن خد بالك من نفسك، مش أكتر من كده.
وفاة الفنان محمد مرزبان
وكان الفنان محمد مرزبان تعرض لحادث سير قبل أيام أثناء مشاركته في جولة للدراجات النارية بمحافظة الإسماعيلية، ما أسفر عن إصابته بنزيف في المخ وكسر في قاع الجمجمة وتجمع دموي على الرئتين، قبل أن يعلن عن وفاته متأثرا.
